Jizzax shahrida mamlakatimizning barcha hududlaridan yosh va iqtidorli sportchilarni jamlagan boks bo‘yicha o‘smirlar o‘rtasida Respublika chempionati bo‘lib o‘tdi.

Taqdirlash marosimida “Basalt Uzbekistan” kompaniyamiz nomidan Temur Mamadaminov ishtirok etdi va sportchilarga ringdagi ajoyib chiqishlari hamda erishgan yutuqlari uchun esdalik sovg‘alarini mamnuniyat bilan topshirdi.

“Basalt Uzbekistan” kompaniyasi bolalar va o‘smirlar sportini rivojlantirish, yosh iste’dodlarni qo‘llab-quvvatlashga doimo katta e’tibor qaratib keladi. Biz O‘zbekistonda boks rivojiga o‘z hissamizni qo‘shish imkoniyatidan, yosh sportchilarning sport bilan bog’liq maqsadlariga va muvaffaqiyatga erishishga intilishlarida yordam berayotganimizdan faxrlanamiz.

Taqdirlash marosimida Temur Mamadaminov kompaniyamiz nomidan yosh bokschilarni ajoyib chiqishlari bilan tabrikladi hamda kelgusida g‘alabalar va muvaffaqiyatlar tilab, samimiy tilaklarini bildirdi. Biz ushbu yosh sportchilarning cheksiz salohiyatiga ishonamiz va ular orasida nafaqat O‘zbekiston, balki jahon boksining bo‘lajak chempionlari ham borligiga aminmiz. Ularning mashg‘ulotlarga bo‘lgan sadoqati, matonati, ilm sari intilishi bizni ilhomlantiradi va yoshlar yuksak marralarni zabt etishga qodir ekanidan dalolat beradi.

Boks bo‘yicha o‘smirlar o‘rtasidagi Respublika chempionatining barcha ishtirokchilariga ajoyib janglar va haqiqiy sport ruhini namoyish etishganligi uchun “Basalt Uzbekistan” kompaniyasi nomidan o‘z minnatdorchiligimizni bildiramiz. Biz barcha yosh sportchilarga sport karyeralarida yangi yutuqlar va muvaffaqiyatlar tilaymiz. Ularning sa’y-harakatlari va sadoqatlari ularni yanada katta g’alabalar hamda ulkan muvaffaqiyatlarga olib kelsin.